Դե Ռոսին հեռացվեց «Ռոմայի» գլխավոր մարզչի պաշտոնից. պաշտոնական
Իտալացի մասնագետ Դանիելե Դե Ռոսին հեռացել է «Ռոմայի» գլխավոր մարզչի պաշտոնից։ Այս մասին հայտնում է ակումբի պաշտոնական կայքը։
«Ռոման» հայտարարում է, որ ազատել է Դանիելե Դե Ռոսին առաջին թիմի գլխավոր մարզչի պաշտոնից։
Այս որոշումը կայացվել է թիմի շահերի համար, որպեսզի հնարավոր լինի արագ վերականգնել ցանկալի ուղին, երբ մրցաշրջանը դեռ գտնվում է մեկնարկային փուլում։
«Շնորհակալություն Դանիելեին այս ամիսների ընթացքում կատարած աշխատանքի համար, որը նա կատարել է կրքով և նվիրվածությամբ»,- նշվում է ակումբի հայտարարությունում։
«Ռոման» զբաղեցնում է Իտալիայի առաջնության մրցաշարային աղյուսակի 16-րդ տեղը։ Թիմը չորս խաղից վաստակել է երեք միավոր։