Ավտովթար Տաշիր-Սարատովկա ճանապարհին. կան երկու զոհ և մեկ տուժած
Սեպտեմբերի 18-ին՝ ժամը 09:18-ին, Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տաշիր-Սարատովկա ավտոճանապարհի 1-ին կմ-ին տեղի է ունեցել ՃՏՊ. կան տուժածներ:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են Opel, VAZ (վարորդ՝ Ս. Խ.) մակնիշի ավտոմեքենաները և DAF մակնիշի բեռնատարը. ավտոմեքենաներից մեկը վրաերթի է ենթարկել խոշոր եղջերավոր կենդանու. վերջինս անկել է:
Մինչև փրկարարների կանչի վայր հասնելը՝ VAZ մակնիշի ավտոմեքենայի ուղևոր Ս. Գ.-ն տեղափոխվել է բժշկական կենտրոն, որտեղ նրա առողջական վիճակը գնահատվել է ծանր:
Փրկարարները VAZ մակնիշի ավտոմեքենայի վարորդին և ուղևոր Գ. Խ.-ին դուրս են բերել ավտոմեքենայից և մոտեցրել շտապօգնությանը. տուժածները հոսպիտալացվել են բժշկական կենտրոն, որտեղ մահացել են:
Փրկարարները հոսանքազրկել են ավտոմեքենաները և սահմանազատել տարածքը:
The post Ավտովթար Տաշիր-Սարատովկա ճանապարհին. կան երկու զոհ և մեկ տուժած first appeared on MediaLab Newsroom-Laboratory.