Մամ, կներես, ես չգիտեի՝ դու ինչի միջով ես անցել. Նազիկ Ավդալյանը որդու հետ զրույցից մանրամասներ է հայտնել
Ծանրամարտի աշխարհի ու Եվրոպայի չեմպիոն Նազիկ Ավդալյանը ֆեյսբուքի իր էջում կատարած գրառմամբ որդու՝ Վաչեի հետ զրույցից մանրամասներ է հայտնել՝ «Մեդալի հակառակ կողմը» ֆիլմի պրեմիերան նրա հետ դիտելուց հետո:
«Ասում է
-Մամ կներես, ես չգիտեի դու ինչի միջով ես անցել
-Բա ինչի՞ համար ես ներողություն խնդրում
-Որ քեզ շատ եմ ջղայնացնում։ Դու, որ մի քանի ժամ մոտս չես լինում հա զանգում զզվզնում եմ, թե ե՞րբ ես տուն գալու, որովհետև կարոտում եմ։ Դու ո՞նց ես կարողացել տարի ու կես, քո փոքր երեխուց հեռու լինել, ոնց ես քո մեջ ուժ գտել պարապելու, ոնց ես հաղթահարել էդ ցավերը։ Որովհետև ես գիտեմ, որ մամաներն ավելի շատ են կարոտում իրանց երեխեքին, քան հակառակը…
Մա՛մ, ով ինչ ուզում է ասի, ես հպարտանում եմ քեզանով:
Ու ես չգիտեմ՝ ոնց բացատրեմ, որ հենց էդ կարոտն է ինձ ուժ տվել, եղել այն ամենամեծ մոտիվացիան, որ ես հազիվ ոտքերս քարշ տալով հասնեի մարզադպրոց ու պարապեի, առանց որևէ ցավեր ու վախեր հաշվի առնելու։ Որ զուր չլիներ այն ժամանակը, որ ես իրանից հեռու եմ եղել»,- գրել է Ավդալյանը:
The post Մամ, կներես, ես չգիտեի՝ դու ինչի միջով ես անցել. Նազիկ Ավդալյանը որդու հետ զրույցից մանրամասներ է հայտնել first appeared on MediaLab Newsroom-Laboratory.