Խաղաղության պայմանագրի ստորագրման ամենալուրջ խոչընդոտը «Ադրբեջանի դեմ տարածքային պահանջների» առկայությունն է ՀՀ Սահմանադրության մեջ. Բայրամովը՝ Պետդեպի պաշտոնյային
Ադրբեջանի արտգործնախարար Ջեյհուն Բայրամովն ընդունել է ԱՄՆ պետքարտուղարի Եվրոպայի և Եվրասիայի հարցերով օգնականի տեղակալ Ջոշուա Հեքի գլխավորած պատվիրակությանը։
Ադրբեջանի ԱԳՆ-ի փոխանցմամբ՝ հանդիպմանը քննարկվել են հետպատերազմական շրջանում տարածաշրջանային իրավիճակը, Ադրբեջանի և Հայաստանի միջև հարաբերությունների կարգավորման գործընթացի հեռանկարները։
Բայրամովը նշել է, որ չնայած խաղաղության պայմանագրի շուրջ բանակցություններում զգալի առաջընթացին, վերջնական խաղաղության պայմանագրի ստորագրման ամենալուրջ խոչընդոտը «Ադրբեջանի դեմ տարածքային պահանջների» առկայությունն է Հայաստանի մի շարք իրավական և քաղաքական փաստաթղթերում, մասնավորապես՝ Սահմանադրության մեջ: