Уфада Мостай Кәрим атналыгы башланды
14-20 октябрьдә «Ашкадар» радиосында Мостай Кәрим атналыгы уза. Иҗат коллективы әлеге истәлекле вакыйганы халык шагыйре каберенә чәчәкләр салу белән башлап җибәрде. Бу хакта «Башинформ» яза.
Радионың алтын фондында Мостай Кәрим исеме белән бәйле уникаль язмалар күп. Бу төрле еллардан язмалар. Эфирда көн саен автор үзе һәм танылган артистлар башкаруында шигырьләр һәм проза әсәрләре, халык шагыйре сүзләренә язылган җырлар, төрле еллардагы радиокуелышлар, шулай ук Мостай Кәрим катнашкан һәм аның истәлегенә әзерләнгән тапшырулар яңгыраячак.
«Безнең дөнья» тапшыруының туры эфирдагы чыгарылышлары шулай ук халык шагыйренең тормыш юлы һәм иҗатына багышланачак. Уфада юбилей алдыннан узучы чаралардан репортажлар әзерләнәчәк, диелә хәбәрдә.