КФУ эксперты журналистиканың тирән кризисы сәбәпләрен аңлатты
Журналистика хәзерге вакытта чыннан да тирән кризиста. Аның сәбәбе – һөнәри үзбилгеләүнең чикләре юкка чыгу, дип белдерде КФУның Журналистика югары мәктәбе деканы вазифаларын башкаручы Юлия Андреева «Татарстан-24» телеканалына биргән интервьюсында.
1990-2000 елларда гына әле журналист профессионал, басма вәкиле иде, дип билгеләде ул. Бүгенге көндә исә гадәти форматлар юкка чыга, әлеге һөнәрнең чикләре югалып бара.
«Әмма аларның кайберләре юк булуга карамастан, исән кала алган форматлар яңадан аудитория җыя башлады. Шуңа күрә бүгенге көндә мәгълүмат кырында төрле медиаформатлар бар, - диде Андреева. Аудиториянең тигез бүленмәгәне аңлашыла, әлбәттә. Мәсәлән, федераль каналларның берничә миллион тамашачысы бар, ә берәр блогерныкы тагы да күбрәк».
Ягъни бүген, һөнәре һәм осталыкларына карамастан, һәркем журналист була ала.