Ես անձրևանոց բռնող չունեմ, ոչ էլ անվտանգության աշխատող, մեքենաս էլ ինքս եմ վարում․ Ավինյան (տեսանյութ)
Ես անձրևանոց բռնող չունեմ, ոչ էլ անվտանգության աշխատող, մեքենաս էլ ինքս եմ վարում, ավագանու նիստի ժամանակ, հակադարձելով ընդդիմադիրների պնդումներին, հայտարարել է Տիգրան Ավինյանը։
Մինչ այդ ավագանու ընդդիմադիր անդամ Պեդրո Զարոկյանը, հայտարարել էր, որ քաղաքապետն ունի անձրևանոց բռնող և անվտանգության աշխատակից։ Բացի այդ Զարոկյանը խոսել է վերջերս երևանյան դպրոցներից մեկն իր այցի մասին ու մեղադրանքներ հնչեցրեց քաղաքային իշխանության հասցեին։
Տիգրան Ավինյանը նկատողություն է արել և դահլիճից հեռացրել Պեդրո Զարոկյանին
«Պարո՛ն Զարոկյան, ձեր չափերը ճանաչե՛ք։ Ավարտվել է ձեր խոսելու ժամանակը։ Դատարկաբանությանը, փուչ խոսքերին չի կարելի արձագանքել։ Երեխաների անվտանգությունից ելնելով՝ ձեր նման անձանց չենք կարող թույլ տալ դպրոցներ մտնել»,- նշել է քաղաքապետը։