БРИКС саммиты узу сәбәпле, Казан мәктәпләрендә көзге каникул 21 октябрьдән башлана
БРИКС саммиты узу сәбәпле, Казан укучылары 21 октябрьдә үк каникулга китә һәм 28 октябрьгә кадәр ял итә. Шул ук вакытта Татарстанның башка муниципалитетларындагы мәктәпләрдә көзге каникул даталары үзгәрмәде – 28 октябрьдән 6 ноябрьгә кадәр.
Исәп буенча уналтынчы тапкыр үткәреләчәк БРИКС дәүләтләре башлыклары саммиты Казанда 22-24 октябрьдә уза. 33 ил саммитта катнашуын инде раслады. Шулар арасыннан 24 илне беренче затлар тәкъдим итәчәк.
Россия Президенты Владимир Путин БРИКС саммитында 20гә якын ике яклы очрашу уздырырга планлаштыра.