Казанда БРИКС саммиты барган көннәрдә ЮХИДИнең эш режимы үзгәрде

Казанда 17-28 октябрьдә БРИКС саммиты барган көннәрдә ЮХИДИнең эш режимы вакытлыча үзгәрде:

• 17-28 октябрьдә «Дәүләт һәм муниципаль хезмәтләр күрсәтү күп функцияле үзәге» дәүләт бюджет учреждениесе филиалында (Җиңү проспекты, 214) гражданнарны кабул итү үткәрелми;

• 21-24 октябрьдә 1нче бүлектә (Оренбург тракты, 5) гражданнарны кабул итү үткәрелми;

• 23 октябрьдә ТЭЦ урамындагы 5нче йортта юлда куркыныч йөк ташу таныклыклары бирелмәячәк һәм гамәлдә булу вакыты озайтылмаячак;

• 2нче «ТТС» бүлеге (Декабристлар урамы, 81В һәм Җиңү проспекты, 194), шулай ук «КАН АВТО» (Себер тракты, 48 һәм Оренбург тракты, 209Б) гадәти режимда эшләячәк.

Казан шәһәре Дәүләт автоинспекциясендә искәртүләренчә, үз визитыңны Дәүләт хезмәтләре Бердәм порталында алдан планлаштырырга мөмкин.