ՆԱՏՕ-ի միջամտությունը ռուս-ուկրաինական հարաբերություններին անթույլատրելի է. Գերմանիայի կանցլեր
Հյուսիսատլանտյան դաշինքի ներգրավումն ուկրաինական հակամարտությանը կհանգեցնի աղետի, նման զարգացումը պետք է կանխել, հայտարարել է Գերմանիայի կանցլեր Օլաֆ Շոլցը՝ Բեռլինում ԱՄՆ նախագահ Ջո Բայդենի հետ հանդիպումից հետո կայացած համատեղ մամուլի ասուլիսի ժամանակ։
«Մեր դիրքորոշումը պարզ է. մենք առավելագույնս աջակցում ենք Ուկրաինային։ Միևնույն ժամանակ մենք ապահովում ենք, որ ՆԱՏՕ-ն չդառնա հակամարտության կողմ, որպեսզի այս պատերազմը չհանգեցնի ավելի մեծ աղետի։ Մենք քաջ գիտակցում ենք այս պատասխանատվությունը, և ոչ ոք չի կարող մեզ ձերբազատել այդ պատասխանատվությունից»,- հայտարարել է Շոլցը։