Аксубайда рәссам Әлфия Нурхәммәтова йон келәм сугу буенча осталык дәресе үткәрде
Аксубай районының Яңа Үзи авылында Газиз Кашапов музеенда гамәли сәнгатькә багышланган очрашу узды. Бу хакта «Аксубай» газетасы яза.
Татарстан Рәссамнар берлеге әгъзасы, ТР атказанган мәдәният хезмәткәре, Евразия сәнгать берлеге әгъзасы Әлфия Нурхәммәтова, «Өч татар келәме» креатив лабораториясе» проекты кысаларында эшли. Ул авылның күл эшләре осталары белән йон келәм ясау буенча осталык дәресе үткәрде.
Аксубай рәссамы бу яңа технология буенча эшчәнлек юнәлешенә ТР Мәдәният министрлыгының «Өч татар келәме» креатив лабораториясе» проектында катнашып өйрәнгән. Катлаулы йон эшләнмәсе ясау техникасы чарада катнашучыларда зур кызыксыну уятты, диелә хәбәрдә.