Қазақстанның оңтүстігінде қызды қорлау оқиғасы: күдікті ұсталды
Жамбыл облысында кәмелетке толмаған қызды зорлау ісі бойынша іздеу жарияланған ер адам ұсталды, - деп хабарлайды Tengrinews.kz тілшісі.
Бұған дейін облыстық полицейлер 13 жастағы қыздың туысына іздеу жариялаған болатын. Қыз бірнеше жыл бойы ағасы мен тусқан ағасының зорлық-зомбылығына ұшыраған.
"Жедел-іздестіру іс-шаралары барысында полиция қызметкерлері Мойынқұм ауданында аса ауыр қылмыс жасады (жас балаға қатысты зорлау) деген күдікпен іздестірілген күдіктіні ұстады", - деп хабарлады аймақ полициясы.
Полицейлердің мәліметінше, күдікті Шу ауданынан 60 шақырым жердегі шаруа қожалығында ұсталған.
"Қазіргі уақытта ер адам уақытша ұстау изоляторына қамалды, соталды тергеу жүргізіліп жатыр. Бірінші күдіктіні полиция қызметкерлері ізін суытпай ұстады. Бұл қылмысты жасау өмір бойына бас бостандығынан айыруды көздейді", - делінген Жамбыл облысы ПД баспасөз қызметінің хабарламасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!