Մեսսին պատմել է, թե ինչն է իրեն զարմացրել ԱՄՆ-ում
«Ինտեր Մայամիի» արգենտինացի հարձակվող Լիոնել Մեսսին պատասխանել է այն հարցին, թե ինչն է իրեն զարմացրել MLS-ում։
«Այստեղ շատ կիրք կա, որն ինձ համար անակնկալ էր: Ես գիտեի, թե որքան հայտնի են բասկետբոլը, բեյսբոլը և ամերիկյան ֆուտբոլն այստեղ, բայց երբեք չէի լսել ֆուտբոլի նկատմամբ նման վերաբերմունքի մասին, ուստի շատ զարմացա: MLS-ը մրցունակ լիգա է. յուրաքանչյուր թիմ ուժեղ է տանը, հետևաբար արտագնա խաղերում հեշտ չէ հաղթանակի հասնել»,- Մեսսիի խոսքերն է մեջբերում ESPN-ը։
Մեսսին ամերիկյան ակումբում է հանդես գալիս 2023 թվականից։ Ֆուտբոլիստի պայմանագիրն ակումբի հետ նախատեսված է մինչև 2025 թվականը: