ՊՍԺ-ն ցմահ որակազրկել է անհաջող կատակ արած երկրպագուին

ՊՍԺ-ն ցմահ որակազրկել է իր ֆան ակումբի երկրպագուին, որը թիմի հարավկորեացի ֆուտբոլիստ Լի Կան Ինին չինացի է անվանել, հայտնում է ֆրանսիական ակումբի մամուլի ծառայությունը։

Միջադեպը տեղի է ունեցել անցած կիրակի՝ «Մարսելի» դեմ խաղից առաջ ՊՍԺ-ի մարզման ժամանակ։ Snapchat-ում հրապարակված տեսանյութում երևում է, թե ինչպես է երկրպագուներից մեկը ողջունել ՊՍԺ-ի խաղացողներին և Լի Կան Ինի մոտենալու պահին բղավել՝ առաջ, իմ չինացի:

ՊՍԺ-ն  հայտարարել է, որ չի հանդուրժում ռասիզմի որևէ դրսևորում: Խաղից անմիջապես հետո երկրկապագուն ներողություն է խնդրել հարավկորեացուց և ընդմիշտ հեռացվել ֆան ակումբից: