Մբապեն այս տարի փորձել է գնել «Մոնակոյի» բաժնետոմսերը
Մադրիդի «Ռեալի» և Ֆրանսիայի հավաքականի հարձակվող Կիլիան Մբապեն 2024 թվականի սկզբին փորձել է գնել «Մոնակոյի» բաժնետոմսերը, հայտնում է Get Franch Football News-ը։
Աղբյուրի փոխանցմամբ՝ Մբապեն երազում էր դառնալ «Մոնակոյի» բաժնետեր և բաժնետոմսեր գնել իր ներդրումային հիմնադրամի միջոցով։ Այնուամենայնիվ, գործարքը ձախողվեց ֆրանսիական ակումբի սահմանած չափազանց բարձր գնի պատճառով։
Փոխարենը Մբապեն ձեռքբերեց «Կան» ֆուտբոլային ակումբի բաժնետոմսերի 80%-ը։
Հիշեցնենք, որ Կիլիան Մբապեն հանդես է եկել Մոնակոյի երիտասարդական և հիմնական թիմերում, որից հետո 2018 թվականին տեղափոխվել է ՊՍԺ։