ايراني چارواکي: پر اسراييل به خامخا ځوابي بريد کوو
د پنجشنبې په ورځ، د ایران د سپاه پاسداران قوماندان حسین سلامي وویل چې اسراییل به پر ایران د خپلو وروستیو حملو ځواب په "نه تصورکېدونکې بڼه" وویني.
نوموړي په شیراز کې د وینا پر مهال یادونه وکړه چې په تېر ځوابي برید کې اسراییل ولیدل چې اسمان یې څرنګه پرانیستل شو.
د ایران د سپاه پاسداران د عمومي قوماندان سرپرست علي فدوي هم پرون (پنجشنبې) وویل چې اسراییل ته به ایران حتماً ځواب ووايي.
له بلې خوا د ایران د مشر د دفتر رئيیس محمد محمدي ګلپایګاني وویل چې اسراییل ته به د ایران ځواب سخت وي.
په همدې حال کې نیویارک ټایمز ورځپاڼې پرون (پنجشنبې) د درې ایراني چارواکو په قول ویلي، د ایران مشر علي خامنهيي د خپل هېواد د ملي امنیت شورا ته امر کړی چې پر اسراییل حملې ته چمتو شي.