ჰარისი: არჩევის შემთხვევაში ტრამპი ჯანდაცვის პროგრამებს შეკვეცავს
ვიცე-პრეზიდენტმა ჰარისმა 31 ოქტომბერს ვისკონსინის ამომრჩევლებს შეახსენა, რომ ტრამპმა თავისი პრეზიდენტობის პერიოდში, 2017-2021 წლებში, წარუმატებლად სცადა "ხელმისაწვდომი ზრუნვის აქტის" სახელით ცნობილი ჯანდაცვის პროგრამის გაუქმება.
"ამ არჩევნებზე დგას ყველა ამერიკელის ჯანდაცვის საკითხი", - უთხრა ჰარისმა ჟურნალისტებს.
საპასუხოდ ტრამპმა თქვა, რომ არასდროს სურდა ამ პროგრამის გაუქმება. "არასოდეს მიხსენებია ეს ნაბიჯი, არც კი მიფიქრია ასეთ რამეზე", - დაწერა ტრამპმა პლატფორმა Truth Social-ზე.
რეალურად, პრეზიდენტობის პერიოდში ტრამპი რამდენჯერმე შეეცადა "ხელმისაწვდომი ზრუნვის აქტის" გაუქმებას და 2020 წლის საარჩევნო კამპანიისას აცხადებდა, რომ ხელახალი არჩევის შემთხვევაში, ეს საკითხი მისთვის პრიორიტეტული იქნებოდა.