د ازادۍ جبهې کابل کې د درې طالبانو د وژنې ادعا کړې
دې ډلې پرون (د لړم ۱۱مه) پر خپله ایکسپاڼه د یوې ویډیو په خپرولو سره ادعا وکړه چې، وسلهوالو یې تېره شپه ناوخته د طالبانو د پولیسو او اسخباراتو د تلاشۍ د موټرو پر کاروان برید وکړ.
طالبانو تر اوسه رسما پهدې اړه څه نهدي ویلي او ازادي راډیو هم نهشي کولای چې دا ډول ادعاوې په مستقل ډول تایید کړي.
د ازادۍ جبهې لهدې مخکې ویلي و، چې د کابل پر هوايي ډګر د وروستۍ حملې په دوام چې مسوولیت یې دې ډلې ومانه، طالبانو د کابل په بېلابېلو سیمو کې د کورونو تلاشي پیل کړې ده.
د کابل ښار یوشمېر اوسېدونکو له ازادي راډیو سره په خبرو کې د کور په کور تلاشیو خبرونه تایید کړي او ویلي یې دي چې، طالبان د کابل د شمال په سیمو کې د خپلو مخالفانو په لټه کې دي.