Татарстанда яңгыр, җепшек кар һәм көчле җил көтелә

Бүген, 2 ноябрьдә, Татарстанда атлантик циклонның атмосфера фронтлары аркасында килеп чыккан тотрыксыз һава торышы саклана. Бу хакта республиканың Гидрометеорология үзәге хәбәр итә.

Республикада, шул исәптән Казанда да җепшек кар һәм яңгыр яву дәвам итә, урыны белән көчәя. Урыны белән җепшек кар укмашу, шулай ук бозлавык (Казанда) фаразлана. Явым-төшем вакытында күрүчәнлек 1-2 метрга кадәр начарлана.

Көньяктан һәм көньяк-көнбатыштан секундына 9-14 метр тизлектә җил исә. Вакыты-вакыты белән җил тизлеге секундына 15-20 метрга (23 сәгатькә кадәр), урыны белән 25 метрга ук (Казанда – 23 метр) җитәчәк.

Шулай ук юлларда, шул исәптән Казанда да бозлавык була.

Иртән һәм көндез һава температурасы +4..+ 9 градус була, ә кичкә таба -2, +3 градуска кадәр төшәчәк. Казанда көндез 5-7 градус җылы, кич -2...0 градус була.

Баштарак Казан федераль университеты профессоры, география фәннәре докторы Юрий Переведенцев республика башкаласында кар тулысынча ятачак вакытны әйткән иде.