Алматы облысында екі балдық жер сілкінісі болды

2 қарашада жергілікті уақытпен сағат 10.50-де Алматы облысында 2 балдық жер сілкінісі болды. Бұл жөнінде төтенше жағдай министрлігіне қарасты «Сейсмологиялық зерттеу институты» сейсмикалық станциялар желісі хабарлады. 


"Жер сілкінісінің ошағы Қырғызстан мен Қытай шекарасында Алматы қаласынан оңтүстік-шығысқа қарай 258 км жерде орналасқан" деп жазылған ресми хабарламада. Жер сілкінісінің магнитудасы 4.8 деп айтылады. 


Жерасты дүмпуі Алматы қаласында сезілмеген. Оны Алматы облысы Райымбек ауданындағы Нарынқол және Кеген ауыл тұрғындары сезген болуы мүмкін. 


Алматы облыстық төтенше жағдайлар департаменті баспасөз қызметі зардап шеккендер туралы ақпарат түспегенін айтты.