غور کې د طالبانو او د خلکو ترمنځ نښته؛ طالبانو ۳۰ځايي اوسېدونکي نيولي
دا نښته تېره پنجشنبه هغه وخت پیل شوه چې د ځایي اوسېدونکو په وینا، د طالبانو یو قوماندان د کورونو د تالاشۍ په پلمه په یوه ورځ کې دوه ځله د خلکو کورونه وپلټل.
سرچینو وویل، د سیمې خلکو چې د کورونو د تالاشۍ مخالف و، له طالبانو سره نښته وکړه او د هغوی یوشمېر وسلهوال یې بې وسلې کړل.
دا پېښه پهداسې حال کې شوې چې تېره اوونۍ هم د غور په پسابند ولسوالۍ د سنگان کلي اوسېدونکو د تالاشۍ پر مهال له طالبانو سره شخړه کړې وه، چې په ترڅ کې یې شپږ تنه ټپیان شوي وو.