طالبان: تر پنجشنبې به په سينديزو حوزو کې د اوبو سطحه لوړه او ښايي سېلابونه راووځي
دې وزارت پرون (دوشنبې) د افغانستان د هواپېژندنې ادارې د وړاندوینې پر اساس وویل، له نسبتاً شدیدو بارانونو سره مل د هریرود، مرغاب او امو په سیندیزونو حوزو کې د سېلونو د راوتلو احتمال شته.
دغه وزارت له هغو خلکو چې یادو سیندونو ته نژدې اوسي، غوښتي چې نه یوازې په خپله د سېل خطر ته متوجه واوسي بلکې د سېل د راوتلو په صورت کې شاوخوا نورو خلکو ته هم خبر ورکړي.
د طالبانو د اوبو او انرژۍ وزارت ویلي چې په سرپل، فاریاب، بادغیس، بدخشان، هرات او ځینو نورو سیمو کې د باران په وجه د واورو د ویلي کېدو له کبله د سېلونو د راوتلو احتمال شته.
سږ کال په افغانستان کې د سېلونو له کبله سلګونو کسانو ته مرګژوبله او همداراز مالي تاوانونه اوښتي دي.