Արմավիր քաղաքում փրկարարները կանխել են 77-ամյա տղամարդու ինքնասպանության փորձը
Այսօր՝ նոյեմբերի 5-ին, արտակարգ դեպք է տեղի ունեցել Արմավիրի մարզում: Ժամը 10:50-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Արմավիր քաղաքի Մաշտոցի փողոցի շենքերից մեկի բնակարանի պատշգամբից քաղաքացին մասամբ կախված է և հնարավոր է՝ ցանկանում է ինքնասպանություն գործել:
Shamshyan.com-ի տեղեկություններով, փրկարարներին հաջողվել է կանխել 77-ամյա տղամարդու ինքնասպանության փորձը, ով գտնվել է ալկոհոլի ազդեցության տակ: Դեպքի փաստով համայնքային ոստիկանության Արմավիրի բաժնում փաստաթղթեր են ձևակերպվում: