Հարրիսն ու Թրամփը հավասար ձայներ են ստացել գյուղում, որտեղ ԱՄՆ նախագահական ընտրություններն առաջինն են անցկացվել
ԱՄՆ նախագահի հանրապետական և դեմոկրատ թեկնածուներ Դոնալդ Թրամփը և Քամալա Հարրիսը երեքական ձայն են ստացել Նյու Հեմփշիր նահանգի Դիսքվիլ Նոտչ գյուղում, հաղորդում է CNN-ը։
Ավանդույթի համաձայն՝ այս փոքրիկ բնակավայրում քվեարկությունը սկսվում է ժամը 00:00-ից։ Արդյունքում գյուղն առաջինն է հայտարարում ընտրությունների արդյունքների մասին։ Քաղաքի բոլոր վեց ընտրողները քվեարկել են կեսգիշերին, իսկ մի քանի րոպե անց ընտրատեղամասը փակվել է։
Հիշեցնենք, որ ԱՄՆ-ում այսօր մեկնարկել են նախագահական ընտրությունները. քաղաքացիներն ընտրում են երկրի 47-րդ նախագահին: Միջին հաշվով, դեմոկրատ թեկնածու Քամալա Հարրիսն ազգային հարցումներում առաջ է հանրապետական թեկնածու Դոնալդ Թրամփից: