Хасан Қасымбаев қамауға алынды
Талғарда "Хутор" ұйымдасқан қылмыстық тобының басшысы делінген Хасан Қасымбаев қамауға алынды, - деп хабарлайды Tengrinews.kz тілшісі.
Алматы облысының Полиция департаментінің мәліметінше, 4 қарашада Алматы облысы Қонаев Мамандандырылған тергеу соты Хасан Қасымбаевқа бұлтартпау шарасын таңдау туралы өтінішті қарады. Сот қаулысы бойынша, Хасан Қасымбаев екі айға қамауға алынды.
Еске салайық, бұған дейін “Хутор“ ұйымдасқан қылмыстық тобының жетекшісі делінген Хасан Қасымбаев ұсталғаны белгілі болды. Хасан Қасымбаевтың аты Талғардағы атышулы адам өлтіру оқиғасынан кейін шыққанын айта кеткен жөн.
Өңірдің ПД баспасөз қызметі мәліметінше, азамат К. 2 қарашада уақытша ұстау изоляторына қамауға алынған. Ол 2021 жылдың маусымында А-ның денсаулығына қасақана ауыр зиян келтірді және ұрлады деген күдікке ілінген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!