2025-ին Երևանը պլանավորում է ունենալ ավելի քան 90 մլրդ դրամ բյուջե, այս տարվա 61.5 մլրդի փոխարեն, նաև սեփական եկամուտների աճ կապահովվի. Տիգրան Ավինյան (տեսանյութ)
2024 թվականին մեր սեփական եկամուտները պլանավորվել էին 61 մլրդ 514 մլն դրամ՝ ի համեմատություն 2023-ի այս թիվը 38 մլրդ 799 մլն դրամ է կազմել: Այս մասին Աժ-ում բյուջեի քննարկման ժամանակ ասաց Երևանի քաղաքապետ Տիգրան Ավինյանը:
«Ուզում եմ շեշտել, որ 2025-ին Երևան քաղաքը պլանավորում է մոտավորապես 90 մլրդ 234 մլն դրամի եկամուտ ապահովել: Այս պահի դրությամբ Ֆինանսների նախարարության կողմից առաջարկվող դոտացիան հավելյալ 9.5 մլրդ դրամ է, ունենք 58 մլրդ, հիմնականում հատկացվելու է դպրոցներում աշխատավարձերին և պահպանման ծախսերին»,- ասաց նա:
Ըստ Ավինյանի՝ վարկեր դրամաշնորհներ տողում ունեն 13.4 մլրդ դրամ, իսկ պետության կողմից նպատակային հատկացումներ, սուբվենցիաներ տողում՝ 1մլրդ 133 մլն դրամ:
«Երևան համայնքի վարկ-դրամաշնորհը կազմում է մեկ մլրդ, և ֆոնդային մուտքերը պլանավորվում են մոտավորապես 8 մլրդ դրամ: Մենք բավականին մեծ սեփական եկամուտների աճ ենք կանխատեսում Երևան քաղաքում և այս դինամիկան 1-2 տարի դեռ կպահպանենք, բայց ինչ-որ մի կետում արդեն պետք է գանք նոր նորմայի»,- ասաց Ավինյանը: