ՉԼ․ Մադրիդի «Ռեալ»-ի, «Մանչեսթեր Սիթի»-ի և «Բայեր»-ի պարտությունները, օրվա արդյունքները

Ֆուտբոլի Չեմպիոնների լիգայում մեկնարկել են չորրորդ տուրի հանիդպումերը։ Տիտղոսը պաշտպանող Մադրիդի «Ռեալն» ընդունել էր Իտալիայի փոխչեմպիոն «Միլանին» և պարտվել 1:3 հաշվով։

Անգլիայի չեմպիոն «Մանչեսթեր Սիթին» Պորտուգալիայում 1:4 հաշվով պարտվեց «Սպորտինգին»։

Անգլիական «Լիվերպուլը» 4:0 հաշվով հաղթեց Գերմանիայի չեմպիոն «Բայերին»։

Սլովակիայի չեմպիոն Բրատիսլավայի «Սլովանը» հյուրընկալեց խորվաթական «Դինամո Զագրեբին» և պարտություն կրեց 1:4 հաշվով։

«Սլովանի» մեկնարկային կազմում էր Հայաստանի հավաքականի հարձակվող Տիգրան Բարսեղյանը, որը փոխարինվեց 87-րդ րոպեին։

Հոլանդական «ՊՍՎ Էյնդհովենը» տանը 4:0 հաշվով պարտության մատնեց կատալոնական «Ժիրոնային»։

Չեմպիոնների լիգա, չորրորդ տուր

«ՊՍՎ Էյնդհովեն» - «Ժիրոնա»՝ 4:0

«Սլովան Բրատիսլավա» - «Դինամո Զագրեբ»՝ 1:4

«Սպորտինգ» - «Մանչեսթեր Սիթի»՝ 4:1

«Ռեալ Մադրիդ» - «Միլան»՝ 1:3

«Լիվերպուլ» - «Բայեր»՝ 4:0

«Բոլոնիա» - «Մոնակո»՝ 0:1

«Բորուսիա Դորտմունդ» - «Շտուրմ»՝ 1:0

«Սելթիկ» - «ՌԲ Լայպցիգ»՝ 3:1

«Լիլ» - «Յուվենտուս»՝ 1:1