Արմավիրում այրվել է մոտ 2,500 հակ անասնակեր
Նոյեմբերի 5-ին, ժամը 15:23-ին Ճգնաժամային կառավարման ազգային կենտրոն ահազանգ է ստացվել, որ Արմավիրի մարզի Ջանֆիդա գյուղի 5-րդ փողոցի տներից մեկի բակում այրվում է անասնակեր: Այս մասին հայտնում են ՆԳՆ փրկարար ծառայությունից։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից երկու մարտական հաշվարկ և մեկ ջրատար։
Պարզվել է, որ տներից մեկին հարակից անասնագոմի տանիքում (մոտ 300 քմ) այրվում է պահեստավորած անասնակեր։
Հրդեհը մեկուսացվել է ժամը 16:53-ին, մարվել՝ 19:33-ին: Այրվել է մոտ 2,500 հակ անասնակեր:
Փրկարարները անասանագոմից դուրս են բերել 13 խոշոր եղջերավոր կենդանի և 9 խոզ:
Հրդեհաշիջման աշխատանքներին ներգրավվել է երկու տրակտոր: