ډونالډ ټرمپ بياځلې د امريکا ولسمشر وټاکل شو
دا پهداسې حال کې ده چې د پایلو له رسمي اعلان نه وړاندې ټرمپ خپلو پلویانو او د خپل د انتخاباتي کمپاین ټیم ته د بریا مبارکي ورکړې.
ټرمپ دا وینا د فلوریدا ایالت په پالم بیج کې د خپلو پلویانو تر منځ وکړه او زیاته یې کړه چې، په راتلونکو څلورو کلونو کې به د امریکا لپاره خپلې کړې ژمنې عملي کوي.
د اسرايیلو لومړي وزیر بنیامین نتنیاهو، د هنګري لومړي وزیر ویکټور اوربان، د بریټانیا لومړي وزیر کیرسټارمرډ، د هند لومړي وزیر نریندرا مودي، د ایتالیا لومړۍ وزیرې جورجیا ملوني، د چک جمهوریت لومړي وزیر پیتر فیالا، د ناټو عمومي مشر مارک روته د نړۍ له هغو رهبرانو څخه دي چې تر اوسه یې ټرمپ ته مبارکي ورکړې.
د نړۍ د رهبرانو تر څنګ د افغانستان د سولې لپاره د امریکا ځانګړي پخواني استازي زلمي خلیلزاد د ټرمپ بریا لپاره پر خپله ایکسپاڼه هغه ته مبارکي ورکړې.
ټاکل شوې چې د متحدهایالاتو نوی ولسمشر به د ۲۰۲۵ کال د جنورۍ په ۲۰ لوړه وکړي او خپل کار پیل کړي.