Քաղաքացու դատարկվող սառնարան, 14 միլիարդ դոլար պետական պարտք, հարկային ճնշումներ․ Նաիրի Սարգսյանը՝ 2025-ի մասին (տեսանյութ)
Քաղաքացու դատարկվող սառնարան, 14 միլիարդ դոլար պետական պարտք, հարկային ճնշումներ։
«Կիզակետում Արկադի Գրիգորյանի հետ» հաղորդման ժամանակ 2025 թվականի համար նման կանխատեսումներ է արել «Հայաստանը ես եմ» նախաձեռնության ղեկավար Նաիրի Սարգսյանը․
«Այսպիսի տեսքով բյուջեն հանցավոր անգործության դրսևորում է։ Բյուջեն ուղղակի գեղեցիկ ձևակերպումներից է բաղկացած, դրանց տակ՝ տորիչելյան դատարկություն։
Տնտեսական աճը կառավարության կամքից անկախ է։ Եթե ռուս-ուկրաինական պատերազմն ավարտվի, չենք հասնի նախատեսված տնտեսական աճին՝ 5,6 տոկոսին։ Պետական պարտքը ծախսվում է այնպիսի բաների վար, որոնք եկամտաստեղծ չեն, օրինակ մանկապարտեզներ են կառուցվում։
Դա էլ է կարևոր, սակայն ոչ առաջնահերթ բաների վրա են ծախսվում։ Օրինակ, ընտանիքը փող չունի վարկերը սպասարկելու, օրվա սնունդի ծախսերը հոգալու, բայց ասում ենք՝ չէ, անպայման պետք է ննջասենյակները թանկարժեք վերանորոգենք։
Իշխանությունները նպատակային ՀՀ-ն հասցնում են այնպիսի վիճակի, որ իրենցից հետո ոչ ոք չկարողանա պետությունը վերակենդանացնել»,- նշել է Սարգսյանը։
Հարցազրույցն ամբողջությամբ՝ տեսանյութում․