د لبنان پوځ: د اسراييل په بريد کې درې لبناني وګړي وژل شوي

د لبنان پوځ پرون پنج‌شنبې وویل چې، د لبنان په جنوبي ښار صیدا کې د اسراییل په برید کې درې لبنانیان وژل شوي او د دې هېواد درې سرتېري ټپیان شوي دي.


د مالیزیا حکومت بیا وویل چې، د ملګروملتونو په سوله‌‌ساتو ځواکونو UNIFIL کې د دوی شپږ پوځیان ټپیان شوي دي.


د لبنان پوځ په یوه بیان کې وویل، په دغه برید کې هغه موټر په نښه شوی چې د تلاشۍ له یوې پوستې څخه تېرېده او درې لبنانیان چې په موټر کې دننه سپاره وو، ووژل شول.


د پوځ د بیان له‌‌مخې، ټپي شویو سرتېرو په پوسته کې دنده ترسره کوله.


د رویټرز د راپور له‌‌مخې د مالیزیا حکومت ویلي چې، د ملګروملتونو په سوله‌‌‌ساتو ځواکونو UNIFIL کې یې شپږ پوځیان هغه مهال ټپیان شول چې، د هغوی د سپرلۍ موټر له پوستې څخه د تېرېدو په حال کې و.