9, 10 және 11 қарашада Қазақстанда ауа райы қандай болады?

Синоптиктер Қазақстанда алдағы үш күнде – 9, 10 және 11 қарашада ауа райы қандай болатыны туралы болжам жасады, - деп хабарлайды Tengrinews.kz тілшісі.
Синоптиктер болжамынша, Қазақстан аумағының басым бөлігін солтүстік циклон жауып, сондықтан тұрақсыз ауа райы сақталады.

"Қар жауады; батыс және оңтүстік аймақтарда жауын-шашын - жаңбыр, қарлы боран мен көктайғақ болады. Елдің көп бөлігінде секундына екпіні 15-29 метр қатты жел соғады. 9 қарашада түнде Қостанай облысында, 10-11 қарашада республиканың шығысында қалың қар жауады деп болжанған", - делінген хабарламада.

Республиканың оңтүстігінде ауа температурасы күндіз 8-13 градусқа дейін, таулы аймақтарда 5 градусқа дейін жылы болады деп күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!