Մենք գտել ենք խնդիրների լուծումը՝ վաղը կտեսնեք այլ «Ռեալ»․ Անչելոտի

Մադրիդի «Ռեալի» գլխավոր մարզիչ Կարլո Անչելոտին Լա լիգայի 12-րդ տուրի «Օսասունայի» դեմ խաղից առաջ խոսել է ակումբի առաջ ծառացած խնդիրների լուծման մասին։

Իտալացին կարծում է, որ թիմի խնդիրը բացահայտված է։ Ինչպես հայտնի է, վերջին երկու տնային հանդիպումներում Մադրիդի «Ռեալը» պարտվել է «Բարսելոնային» (0:4) և «Միլանին» (1:3):

«Մենք խոսեցինք և վերլուծեցինք իրավիճակը։ Կարծում եմ՝ մենք գտել ենք լուծումը, բայց պետք է գործնականում հասնենք դրան։ Վաղը կլինի այլ «Ռեալ»։ Ես թիմին տեսնում եմ համախմբված և մոտիվացված: Մենք գտել ենք ճիշտ լուծումը: Ո՞րն էր խնդիրը։ Կարծում եմ՝ մենք լուծում ենք գտել՝ վաղը գործնականում կհասկանանք արդյո՞ք ճիշտ հետևություններ ենք արել, թե ոչ»,- ասել է Անչելոտին։

Նշենք, որ Իսպանիայի առաջնության 12-րդ տուրի «Ռեալ Մադրիդ»-«Օսասունա» հանդիպումը կկայնա վաղը՝ նոյեմբերի 9-ին, ժամը 17։00-ին։