Венесуэлада республиканы БРИКСның бер өлеше дип атадылар
Венесуэланы ил үткәрә торган сәяси курс буенча БРИКС дәүләте дип атарга мөмкин. Республиканың башкаручы вице-президенты Делси Родригес шулай дип белдерде.
«Без Венесуэла – БРИКС иле дип әйтәбез, чөнки безнең тамырлар, тышкы сәясәттә һәм геосәясәттә без куллана торган доктрина – болар барысы да БРИКСның асылы», - дип искәртте сәясәтче Venezolana de Televisión телеканалы эфирында.
Ул Каракасның «бүген Россия неофашизмга каршы алып бара торган көрәшне» хуплавын әйтте.
БРИКС – дәүләтара берләшмә, анда тулы хокуклы әгъзалар хокукында 10 дәүләт, шулай ук партнерлар сыйфатында дистәдән артык ил керә. Дөньядагы коры җирнең өчтән бере диярлек, шулай ук планетадагы халыкның яртысына якыны БРИКС дәүләтләре өлешенә туры килә.
Казанда октябрь аенда БРИКСның XVI саммиты узды, анда 30дан артык илнең вәкиле катнашты, аларның 20дән артыгы иң югары дәрәҗәдә тәкъдим ителде. Саммитта Венесуэла делегациясен республика Президенты Николас Мадуро җитәкләде.