Վինիսիուսը Բրազիլիա-Վենեսուելա խաղի ժամանակ վիրավորական խոսքեր է ասել մրցավարին
Մադրիդի «Ռեալի» և Բրազիլիայի հավաքականի հարձակվող Վինիսիուս Ժունիորը վիրավորել է Ֆուտբոլի աշխարհի 2026 թվականի առաջնության ընտրական փուլի՝ Վենեսուելայի հետ հանդիպման գլխավոր մրցավարին։ Հարձակվողը մրցավարին ասել է, որ նա պետք է դժոխք գնա, հայտնում է RMC Sport-ը։
Հիշեցնենք, որ Բրազիլիա-Վենեսուելա հանդիպումը կայացել է նոյեմբերի 14-ի լույս 15-ի գիշերը։ 43-րդ րոպեին «Պենտակամպեոնի» կիսապաշտպան Ռաֆինյան բացել է խաղի հաշիվը։ Ընդմիջումից անմիջապես հետո պատասխան գնդակը խփել է փոխարինման դուրս եկած վենեսուելացի կիսապաշտպան Տելասկո Սեգովիան։
62-րդ րոպեին Մադրիդի «Ռեալի» հարձակվող Վինիսիուս Ժունիորը կարող էր հաղթանակ բերել Բրազիլիային, սակայն նրա իրացրած 11 մետրանոցից հետո տանտերերի դարպասապահ Ռաֆայել Ռոմոն հետ է մղել հարվածը։
89-րդ րոպեին ուղիղ կարմիր քարտ է ստացել Վենեսուելայի հավաքականի պաշտպան Ալեքսանդր Գոնսալեսը։ Հանդիպումն ավարտվել է ոչ-ոքի՝ 1։1 հաշվով։ Բրազիլիայի հավաքականը 11 խաղից վաստակած 17 միավորով զբաղեցնում է 2026 թվականի աշխարհի առաջնության CONMEBOL-ի ընտրական մրցաշարի երրորդ հորիզոնականը։