ისრაელის დარტყმებს ემსხვერპლა 12 ლიბანელი მაშველი, სირიაში დაღუპულია 15 ადამიანი
ლიბანის გადაუდებელი დახმარების თანამშრომლები 14 ნოემბერს, საღამოს, დანგრეული ნაგებობის ქვეშ დარჩენილი თავიანთი კოლეგების გადასარჩენად ნანგრევებს თხრიდნენ - აღნიშნავს ჯგუფი განცხადებაში. დაჭრილია სამოქალაქო დაცვის ცენტრის, სულ მცირე, სამი თანამშრომელი.
ლიბანის ჯანდაცვის სამინისტრომ დაგმო "ბარბაროსული თავდასხმა ლიბანის სახელმწიფო ჯანდაცვის ცენტრზე". ისრაელის არმიას ამ საკითხზე ჯერჯერობით განცხადება არ გაუვრცელებია.
მანამდე ისრაელმა, სულ მცირე, ორი საჰაერო თავდასხმა განახორციელა სირიაში, დამასკსა და მის შემოგარენში, რასაც ემსხვერპლა, სულ მცირე, 15 ადამიანი, დაიჭრა კიდევ 16 პირი - აცხადებს სირიის სახელმწიფო საინფორმაციო სააგენტო.