بالتیک سمندرګي کې د مخابراتي کېبلونو پرې کېدل؛ د فنلنډ او سویډن پولیسو یې په اړه څېړنه پیل کړې
د فنلنډ او سویډن پولیسو وویل چې د پرې شویو کېبلونو په اړه یې څېړنه پیل کړې ده.
د لېتوانیا څارنوالانو همدارنګه ویلي چې د دغې پېښې په اړه د معلوماتو په راټولولو بوخت دي.
د فنلنډ سینا شرکت اعلان وکړ چې یو کېبل یې چې پلازمېنه هیلسنګي د جرمني له روستوک بندر سره نښلوي، له هلسنګي شاوخوا اوه سوه کیلومتره لیرې د اولند ټاپو په جنوب کې د سویډن تر اوبو لاندې پرې شوی دی.
د دې شرکت یوه ویاند ویلي چې له بهرني عامل پرته ناشونې ده چې دغه کېبل دې دا ډول پرې شي.
د جرمني او فنلنډ د بهرنیو چارو وزارتونو ویلي چې د دغه مخابراتي کېبل پری کېدل د یوې ناولې لوبې ښکارندوي کوي.