د پاکستان شمال لوېدیځ کې د تالاشۍ له یوې امنیتي پوستې سره چاودنه؛ ۱۱ سرتېري وژل شوي
د پاکستان د استخباراتو یوه چارواکي د خپل نوم نه افشا کېدو په شرط پرون سې شنبې مشال راډیو ته وویل چې یوه مشکوک ځانمرګي پر چاودېدونکو موادو بار خپل موټر افغانستان پولې ته څېرمه د خیبرپښتونخوا ایالت په جاني خېلو کې له پوستې سره ټکر کړ چې د چادونې په نتیجه یې ۱۱ سرتېرې ووژل شول او څو تنه نور ټپیان شول.
د دغه چارواکي په خبره، دا پېښه تېر ماښام شاوخوا اوه بجې شوې ده.
تراوسه د دغه برید مسوولیت چا یا کومې ډلې نهدی اخیستی، خو په سیمه کې د تحریک طالبان پاکستان ډله ډېره فعاله ده.