Махсус хәрби операциядә катнашучыларның әниләре өчен Түбән Камада концерт оештыралар
Түбән Камада Әниләр көненә бәйрәм чаралары планлаштырылган. Бу хакта https://nkamsk-rt.ru/ сайтында Фәридә Зарипова хәбәр итә.
Бәйрәм кысаларында 22 ноябрьдә махсус хәрби операциядә катнашучыларның әниләре өчен бәйрәм концерты узачак, дип сөйләде «эшлекле дүшәмбе» барышында Түбән Кама муниципаль районы башлыгы урынбасары Александр Умников.
«Бу атна азагында без социаль әһәмиятле бәйрәм — Әниләр көнен билгеләп үтәчәкбез. Бу мөһим датага игътибар итүегезне сорыйм. Әни — һәр кешенең язмышында төп кеше», — дип билгеләп үтте Александр Умников.