«Татар-информ» журналисты «Буква А» Гомумроссия премиясе финалисты булды
«Татар-информ» мәгълүмат агентлыгы күзәтүчесе Оксана Романова архитектура һәм шәһәр төзелеше турында язучы журналистлар, гаммәви мәгълүмат чаралары, блогерлар өчен «Буква А» IV Гомумроссия премиясе финалистлары арасына керде. Бәйгенең шорт-листы аның рәсми Тelegram-каналында урнаштырылган.
Җиңүчеләр арасында шулай ук Екатеринбург, Самара, Төмән, Ленинград, Ростов өлкәләре, Төньяк Кавказ һәм Кырым матбугаты вәкилләре бар. Премиянең жюри составына 14 кеше, шул исәптән Мәскәү Архитекторлар берлеге вице-президенты, Мәскәү өлкәсе Проектчылар ассоциациясе рәисе Илья Машков, төзелеш, күчемсез милек һәм архитектура өлкәсендә танылган журналистлар (әйтик, Archi.ru сайтының баш мөхәррире Юлия Тарабарина, «Интерфакс Недвижимость» порталының баш мөхәррире Людмила Стрельцова һ.б.) керде.
Искәртеп узабыз, мәгълүмат агентлыгы күзәтүчесе «Буква А» бәйге-премиясенең моңа кадәр узган сезоннарында инде төрле номинацияләрдә җиңү яулаган, шул исәптән «Яңа заман архитектурасы» номинациясендә басма һәм онлайн гаммәви мәгълүмат чаралары арасында иң яхшы автор дип табылган иде.
Премия финалистларын 27 ноябрьдә Мәскәүдә «Флакон» дизайн-заводының Cube залында бүләкләячәкләр.