Մենք դաշտ դուրս կբերենք ևս մեկ լավ խաղացողի. Նագելսմանն արձագանքել է Վիրցի որակազրկմանը
Գերմանիայի հավաքականի գլխավոր մարզիչ Յուլիան Նագելսմանը կարծիք է հայտնել կիսապաշտպան Ֆլորիան Վիրցի որակազրկման մասին, որի պատճառով նա բաց է թողնելու Ազգերի լիգայի քառորդ եզրափակչի առաջին խաղը։
«Ինձ մի քիչ նյարդայնացնում է Ֆլոյի դեղին քարտը: Բայց ունենք այն, ինչ ունենք: Մենք դաշտ դուրս կբերենք ևս մեկ լավ խաղացողի»,- Նագելսմանի խոսքերն է մեջբերում Bayern&Germany-ն՝ X սոցիալական ցանցի իր էջում:
Քառորդ եզրափակչի խաղերը կկայանան 2025 թվականի մարտի 20-23-ը։ Պորտուգալիան, Խորվաթիան, Ֆրանսիան, Իտալիան, Գերմանիան, Նիդերլանդները, Իսպանիան և Դանիան իրենց ելույթի արդյունքներով կխաղան A լիգայի 1/4 եզրափակչում։ Շոտլանդիան, Հունգարիան, Բելգիան և Սերբիան կհանդիպեն փլեյ-օֆֆում և կպայքարեն ընթացիկ դիվիզիոնում մնալու իրավունքի համար: