Վանաձոր-Դիլիջան ավտոճանապարհին բեռնատար է այրվել
Նոյեմբերի 22-ին, ժամը 11:28-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վանաձոր-Դիլիջան ավտոճանապարհի 16-րդ կմ-ին այրվում է բեռնատար․ տուժածներ չկան։ Այս մասին հայտնում են ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ հրդեհը բռնկվել է «Zil» մակնիշի բեռնատարում (վարորդ՝ Գ․ Հ․):
Հրդեհը մեկուսացվել է ժամը 12։00-ին, մարվել՝ 12։22-ին։ Այրվել են բեռնատարի շարժիչի հատվածը, վարորդի խցիկը՝ մասամբ և բեռանխցիկը։
Փրկարարներն իրականացրել են ճանապարհի լվացման աշխատանքներ։