ტრამპმა ხაზინის მდივნის პოსტზე მილიარდერი სკოტ ბესენტი წარადგინა
62 წლის სკოტ ბესენტი არის საინვესტიციო ფირმის, Key Square Capital Management-ის დამფუძნებელი. დასავლური მედია წერს, რომ ბესენტი, სავარაუდოდ, ტრამპის სურვილის კვალდაკვალ, გაატარებს გადასახადების შემცირებისა და მკაცრ სატარიფო პოლიტიკას.
78 წლის რესპუბლიკელი ექსპრეზიდენტი დონალდ ტრამპი თეთრ სახლში ბრუნდება მას შემდეგ, რაც 2024 წლის 5 ნოემბრის საპრეზიდენტო არჩევნებში დაამარცხა დემოკრატი ვიცე-პრეზიდენტი კამალა ჰარისი.
ტრამპი თანამდებობას ოფიციალურად 2025 წლის 20 იანვარს დაიკავებს.