Махсус хәрби операциягә улларын озаткан Актаныш әниләрен бәйрәм белән котладылар
Актаныш районы Яңа Әлем авыл җирлегеннән махсус хәрби операциядә катнашучылар саны егермедән артык. Актаныш районы авыллары белән чагыштырганда, иң күп геройларын ут эченә озаткан җирлек ул. Бу хакта «Актаныш» сайтында Ләйсән Газизова яза.
Бүген, Әниләр көне алдыннан Яңа Әле мәдният йорты директоры Ландыш Кирамова үз инициативасы белән батыр уллар үстергән авылдашларының өйләренә барды, газиз аналарның хәлләрен белеп, аларны Әниләр көне белән котлады, күчтәнәчләр тапшырды.