პარლამენტმა 25 ნოემბერის სხდომაზე მედიის დასწრება შეზღუდა - შენობაში მხოლოდ ტელევიზიები იქნებიან
ეს არ არის პირველი შემთხვევა, როდესაც პარლამენტი ზღუდავს მედიის მუშაობას საკანონმდებლო ორგანოში - "აგენტების კანონის" საწინააღმდეგო გამოსვლებისას 2024 წლის გაზაფხულზე რამდენიმე კვირის განმავლობაში მოქმედებდა "უსაფრთხოების ყვითელი დონე", რაც იმას ნიშნავს რომ პარლამენტში მხოლოდ ტელემედია მუშაობს.
საფრთხის დონეების მიხედვით დაყოფის წესის შემოღება საქართველოს პარლამენტში მოქმედი თავმჯდომარის, შალვა პაპუაშვილის ინიციატივა იყო. ამ წესის მიხედვით, არსებობს სამი, წითელი, ყვითელი და მწვანე დონე. მწვანე დონეზე პარლამენტში ყველა ჟურნალისტი დაიშვება, წითელზე არც ერთი.