Александр Дарчиев Россиянең АКШтагы яңа илчесе булырга мөмкин
Төньяк Америка Департаменты директоры, Россиянең Канададагы элекке илчесе Александр Дарчиев Россиянең Кушма Штатлардагы яңа илчесе булырга мөмкин. Әлеге кандидатура инде күптән билгеләнгән. Россия Тышкы эшләр министрлыгында РИА Новости агентлыгына вазгыятькә карата шундый аңлатма бирделәр.
Элегрәк «Коммерсант» газетасында октябрьдә вазифасыннан азат ителгән Анатолий Антоновның эшен кем дәвам итү ихтималы турында хәбәр чыкты.
«Коммерсант»та кичәге яңалыклар чыккан. Мәскәүдә кандидатура күптән ачыкланды инде. Барысы да белә», - дип белдерделәр ведомствода.
Элегрәк Кремльдә хәбәр итүләренчә, яңа илченең исеме 2024 ел ахырына кадәр игълан ителергә мөмкин. Хәзерге вакытта кандидатураны килештерү процессы бара.