Հրդեհ՝ Գառնի գյուղում
Նոյեմբերի 25-ին, ժամը 21:22-ին Կոտայքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Գառնի գյուղի տներից մեկին հարակից այրվում է հավաբուն: Այս մասին հայտնում են ՆԳՆ փրկարար ծառայությունից։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Գառնու կամավորական հրշեջ-փրկարարկան խմբից հինգ կամավոր։
Պարզվել է, որ հրդեհը բռնկվել է 4-րդ թաղամասի 2-րդ փողոցի տներից մեկին կից թոնրատանը, ավտոտնակում և անասնագոմում (ընդհանուր մոտ 80 քմ)։
Հրդեհը մեկուսացվել է ժամը 22:14-ին, մարվել՝ 22:40-ին: Այրվել են ավտոտնակը, թոնրատունը՝ ներսում մոտ 1 տ քարածուխ և անասնագոմը՝ մասամբ: