Декабрьдә кайбер кешеләрнең пенсиясе артачак
Декабрьдә Россиядә кайбер кешеләрнең пенсияләре артачак. Бу хакта Югары икътисад мәктәбе илкүләм тикшеренү университеты хокук факультеты деканы Вадим Виноградов хәбәр итте.
Ноябрьдә 80 яшь тулган гражданнарның пенсия түләүләренең теркәлгән өлеше арттырыла. Мондый россиялеләрнең пенсиясе ике тапкыр югары була. I төркем инвалидлык билгеләнгән гражданнарга түләүләр дә шул рәвешле арта. Әгәр дә югарыда китерелгән ике фактор да туры килсә, пенсия бер тапкыр арттырыла, дип сөйләде «Прайм»га эксперт.
Пенсия автомат рәвештә арта, гариза бирү һәм өстәмә документлар кирәк булмый.
Элегрәк Россия Социаль фондында 2025 елда илдә пенсияләрне өстәмә индексацияләү шарты турында билгеле булды. Шулай ук Дәүләт Думасы Хезмәт комитетында 2025 елда гражданнарның нинди категорияләренә пенсияләр индексацияләнәчәге турында сөйләделәр.