Ике Казан кешесен 25 ел элек эшмәкәрне үтерүдә гаеплиләр
Ике Казан кешесенә 25 ел элек эшмәкәрне үтергән өчен гаепләү белдерелде.
Россия Тикшерү комитетының ТР буенча тикшерү идарәсе хәбәр иткәнчә, ир-атлар 1998 елда Казан эшмәкәреннән автомобиль сатып ала. Алар машина өчен 8,5 мең доллар түләргә теләми һәм эшмәкәрне үтерергә карар кыла.
Моның өчен алар «Һади Такташ» җинаятьчел төркеме лидерларының берсенә мөрәҗәгать итә. Ул исә өч мең доллар өчен группировканың икенче катнашучысын җинаятькә җәлеп итә.
1999 елның гыйнварында эшмәкәрне Казанның Серов урамында атып үтерәләр.
Җинаять эше буенча тикшерү дәвам итә.