Դրոշի գույներ, Արարատ և մական. ներկայացվել է Հայաստանում անցկացվելիք հոկեյի աշխարհի առաջնության լոգոն (լուսանկար)
Հոկեյի միջազգային ֆեդերացիան հաստատել է Երևանում 2025 թվականի ապրիլի 13-19-ը կայանալիք աշխարհի առաջնության լոգոն:
Լոգոյի մշակման ընթացքում օգտագործվել են երկրի պետական դրոշի գույները, Արարատ լեռան պատկերը՝ որպես հանրապետության գլխավոր խորհրդանիշներից մեկը, ինչպես նաև հոկեյի տարրեր՝ մականի և տափօղակի ձևով՝ որպես հոկեյի հիմնական խորհրդանիշներ:
Հիշեցնենք, որ Հայաստանը առաջին անգամ 15 տարի անց կմասնակցի աշխարհի առաջնությանը: Հայկական թիմի մրցակիցները կլինեն Մալայզիայի, Քուվեյթի, Ինդոնեզիայի, Իրանի և Ուզբեկստանի հավաքականները: